3 patay, 15 sugatan sa aksidente sa Nueva Ecija

Patay ang tatlo katao habang sugatan ang 15 iba pa nang bumaligtad ang isang trak sa General Tinio, Nueva Ecija.

Naganap ang aksidente sa Sitio Cunacon sa Barangay Pias kaninang alas-8:30 ng umaga.

Papunta sana sa Sitio Lipa ang mga biktima para sa pasyon nang maganap ang aksidente.

Sumuko sa pulisya ang driver ng trak na si Joel Francia. Aniya, nasa pataas na bahagi ng kalsada ang trak nang kumambyo siya. Dito na bumaligtad ang trak.

Ayon kay Senior Inspector Adrian Gabriel Jr., hepe ng pulisya ng General Tinio, nakilala ang mga nasawi na sina Mercedita Bote, 42 taong gulang, Ramon Esquievel Reyes, 80 taong gulang, at isang apat na taong gulang na babae.

Ang mga biktima at residente ng Barangay Pias.