4 patay, 7 sugatan sa aksidente sa Tarlac

Patay ang apat katao habang sugatan namang ang pitong iba pa sa aksidente sa Tarlac-Pangasinan Expressway sa Ramos, Tarlac.

Batay sa paunang imbestigasyon, nawalan ng kontrol ang driver ng isang Toyota Innova dahilan para bumangga sa isang steel barrier.

Nagpaikot-ikot ito at bumangga pa sa isang Mitsubishi Montero.

Nakilala ang mga nasawi na sina Ayana Ranya Enrique, Cindy Enrique, Eugenio Roque, at Herminigildo Roque.

Sa pitong sugatan, dalawa rito ang sakay ng Innova habang ang lima ay sakay ng Montero.

Patuloy na ginagamot ang mga biktima ng insidente.