Bahagi ng isang barangay sa QC, mawawalan ng suplay ng tubig

Mawawalan ng suplay ng tubig ang bahagi ng isang barangay sa Quezon City ngayong araw.

Sa abiso ng Manila Water, mula alas 10:00 ng gabi mamaya hanggang alas 4:00 ng madaling araw bukas, ay mawawalan ng suplay ng tubig ang bahagi ng Queensland Subdivision sa Brgy. Pinagkaisang Nayon.

Ito ay dahil sa maintenance activities na gagawin ng Manila Water sa bahagi ng Queen Margaret Street sa nasabing subdivision.

Pinayuhan naman ang mga residente sa lugar na mag-ipon na ng sapat na tubig na kanilang kakailanganin para sa nasabing oras.