Mga pasahero, patuloy na dumarating sa Araneta Bus Terminal

Hindi pa siksikan ngunit patuloy ang pagdating ng mga pasahero sa Araneta Bus Terminal sa Cubao, Quezon City.

Ang ilan kasing mga pasahero, ayaw na makisabay sa bugso ng mga tao sa Myerkules na inaasahang ‘exodus’ ng mga uuwi sa probinsya.

Anila, mas mabuti na maaga at masamantala ang bakasyon.

Samantala, fully booked na ang ilang byahe na papuntang Bicol ng Elavil Bus mula March 27 at March 28.

Halos punuan na rin ang ilan sa mga bus na byaheng Antique at Iloilo.

Habang tuluy-tuloy naman ang bentahan ng mga ticket ng mga bus na may byaheng papuntang Samar, Masbate at Leyte.