Paggamit sa perang inirefund ng Sanofi para sa mga nabakunahan ng Dengvaxia isinusulong sa kamara

Isinusulong ngayon sa kamara na gamiting supplemantal budget para sa mga nabakunahan ng dengvaxia ang mahigit P1B ini-refund ng Sanofi Pasteur.

Base sa resolusyong inihain ni House Appropriations Committee Chair Karlo Alexei Nograles, gagamiting pantustos ang P1.16B ibinalik ng Sanofi sa pamahalaan para sa pangangailangan ng mga naturukan ng Dengvaxia.

Kabilang dito ang medical assistance, hospitalization, pagbibigay ng medical kits, out-patient care services at laboratory tests.

Iginiit nito na kung mayroong supplemental budget ay mas mabilis na medical help sa mga dengvaxia vaccinees ang maibibigay ng gobyerno.

Ang nasabing pera ay ini-refund ng Sanofi sa pamahalaan para sa mga hindi nagamit na Dengvaxia vaccine.