Ilang lugar sa Valenzuela, Navotas at Mandaluyong, mawawalan ng suplay ng tubig ngayong araw

Limang oras na mawawalan ng suplay ng tubig ngayong araw ang bahagi ng isang barangay sa Valenzuela City.

Sa abiso ng Maynilad, may isasagawa silang emergency repair kaya kailangang magpatupad ng service interruption mula alas 11:00 ng gabi mamaya hanggang alas 4:00 ng madaling araw bukas, araw ng Biyernes.

Partikular na maaapektuhan ang bahagi ng Barangay Ugong.

Mawawalan din ng suplay ng tubig mula mamayang gabi hanggang bukas ng madaling araw ang bahagi ng isang barangay sa Navotas.

Magsisimula ang water interruption alas 11:59 nga gabi mamaya hanggang alas 3:00 ng madaling araw bukas sa bahagi ng Barangay Northbay Boulevard North.

Samantala, sa abiso naman ng Manila Water, mayroon din silang nakatakdang service interruption sa Mandaluyong City.

Mula alas 10:00 ng gabi hanggang alas 6:00 ng umaga bukas, mawawalan ng tubig sa Barangka Ilaya, Barangka Ibaba at Barangka Itaaas.

Simula alas 10:00 ng gabi naman hanggang alas 5:00 ng umaga bukas ang service interruption sa bahagi ng Highway Hills at Mauway.