Lalawigan ng Cavite, walang pasok ngayong araw

Walang pasok ngayong araw ang buong probinsya ng Cavite.

Idineklara sa pamamagitan ng Proclamation No. 446 ng tanggapan ng Pangulo ng Pilipinas ang March 22, 2018 bilang Special Non-Working Day.

Ito ay bilang paggunita sa ika-149 na kaarawan ni General Emilio Aguinaldo, unang pangulo ng Republika ng Pilipinas.

Pangungunahan ni Sen. Sonny Angara bilang guest of honor ang ‘flag-raising and wreath laying ceremonies’ sa Aguinaldo Shrine sa Kawit.

Samantala, pasisinayaan din ng National Historical Commission of the Philippines (NHCP) ang logo na ‘Emilio Aguinaldo @150 bilang komemorasyon sa ika-150 na kaarawan ng yumaong pangulo sa susunod na taon.