Sa pagdalo ng pangulo sa commencement exercises ng PMA Alab Tala (Alagad ng lahing Binigkis ng Tapang at Lakas) Class of 2018 ay sinabi nito na hindi niya pababayaan ang sinumang miyembro ng pulis at militar.
Ayon sa pangulo, siya na ang bahala sa mga ito, basta’t gawin lamang ng mga pulit at militar ang kanilang mga trabaho nang naayon sa batas.
Batid rin aniya ng pangulo ang hirap na pinagdadaanan ng mga bagong miyembro ng militar ngunit naniniwala siya na handa ang mga ito na harapin ang mas malalaki pang mga challenges sa pagprotekta sa bansa.
Pinaalalahanan pa ng pangulo ang mga graduates na dapat nilang isapuso ang tatlong salita: “courage, integrity, loyalty.”
Si Cadet 1st Class Jaywardene Galilea Hontoria na isang nurse mula Pavia, Iloilo ang class valedictorian at ginawaran ni Pangulong Duterte ng Presidential Saber.
Samantalang si Vice President Leni Robredo naman ang naggawad ng Vice Presidential Saber kay Cadet 1st Class Ricardo Witawit Liwaden na tubo pa ng Barlig, Mountain Province.
Ang iba pang mga nanguna sa Alab Tala Class of 2018 ay sina:
– Cadet 1st Class Jun-Jay Malazzab Castro, (Top 3) mula Cagayan
– Cadet 1st Class Leonore Andrea Cariño Japitan, (Top 4) mula Butuan City
– Cadet 1st Class Mark Jantzen Nono Dacillo, (Top 5) mula Zamboanga City
– Cadet 1st Class Jezaira Laquinon Buenaventura, (Top 6) mula Negros Oriental
– Cadet 1st Class Jessie Antonio Laranang, (Top 7) mula Tarlac
– Cadet 1st Class Paolo Balla Briones, (Top 😎 mula Baguio City
– Cadet 1st Class Jayson Raymundo Cimatu, (Top 9) mula Aurora
– Cadet 1st Class Micah Quiamboa Reynaldo, Top 10) mula Tarlac