1 patay, 1 sugatan sa pamamaril sa Cebu

Isa ang nasawi habang sugatan ang isang menor de edad sa insidente ng pamamaril sa Cebu.

Ang biktimang si Philip Montecillo, 42-anyos ay reisdente ng Barangay San Roque sa Talisay City.

Nagtamo ng tama ng bala sa kaniyang dibdib at kaliwanang braso si Montecillo na naging dahilan ng kaniyang pagkasawi.

Ayon sa inisyal na imbestigasyon ng mga otoridad, isang hindi pa nakilalang suspek ang bumaril kay Montecillo habang ito ay sakay ng kaniyang motorsiklo alas 2:00 ng madaling araw ng Biyernes.

Samantala, isang 17 anyos na lalaki naman nasugatan matapos na tamaan ng ligaw na bala bunsod ng insidente.

Nakuha ng mga otoridad ang dalawang basyo ng bala ng kalibre 45 baril sa crime scene.