Ayon kay Rosales na isa ring professor, hindi angkop sa pangulo ng bansa ang paggamit ng mga katagang hindi kaaya-aya, tulad ng pagmumura at kawalan ng respeto sa kababaihan.
Ilan sa mga naging pahayag ng pangulo na ayon kay Rosales ay hindi nababagay ay ang pamimintas kay UN special rapporteur Agnes Callamard at ang walang gatol na pagsasabing dapat barilin sa ari ang mga babaeng miyembro ng New People’s Army.
Sinabi ni Rosales na obligasyon ng pangulo na kunin ang respeto ng publiko at maging ng international leader.