3 hanggang 4 na sundalo namamatay kada araw dahil sa sparrow unit ng NPA ayon kay Pangulong Duterte

Ibinunyag ni Pangulong Rodrigo Duterte na tatlo hanggang apat na sundalo ang nalalagas kada araw dahil sa sparrow unit ng New People’s Army (NPA).

Ayon sa pangulo, aktibo ngayon ang rebeldeng grupo para mang-agaw ng mga armas ng mga sundalo.

Karaniwan aniyang binibiktima ng mga rebelde ang mga sundalo na namalengke lamang at pinapatay na parang aso.

Una rito, sinabi ng pangulo na dalawa hanggang tatlong pulis ang nalalagas kada araw dahil naman sa kanyang kampanya konrtra sa ilegal na droga.