Hollywood actress Drew Barrymore, dumating na sa Pilipinas

Dumating na sa Pilipinas ang Hollywood star na si Drew Barrymore.

Gamit ang kaniyang Instagram account, nag-post ng litrato ang kilalang “Charlie’s Angels” actress ng kaniyang pagdating sa Ninoy Aquino International Airport kasama ang mga security personnel.

Bumisita ng bansa ang aktres para i-promite ang inaabangang second season ng Netflix original series na “Santa Clarita Diet.”

Makakasama ni Drew ang co-actor sa naturang series na si Timothy Olyphant.

Huling bumisita ng Pilipinas si Drew noong September 2016 para i-promote ang kaniyang make-up line na Flower beauty.

Gaganapin ang red carpet event at premiere night ng “Santa Clarita Diet” sa SM Megamall bukas, araw ng Lunes.