Negros Oriental, niyanig ng magnitude 3.4 na lindol

Niyanig ng magnitude 3.4 na lindol ang Negros Oriental dakong 1:01, Linggo ng hapon.

Ayon sa Philippine Institute of Volcanology and Seismology (Phivolcs), tumama ang lindol sa layong 16 kilometers North ng Bais City.

May lalim ang lindol na 1 kilometer at tectonic ang pinagmulan.

Bunsod nito, naramdaman ang pagyanig sa Intensity III sa Tanjay City at Mabinay habang Intensity II naman sa Bais City sa naturang lalawigan.

Wala namang naitalang pinsala at aftershocks sa mga kalapit-bayan.