Rollback sa presyo ng oil products, asahan sa susunod na linggo

Magkakaroon ng bawas sa presyo ng mga produktong petrolyo sa susunod na linggo.

Ito ay matapos ipatupad ang dalawang magkasunod na taas presyo.

Inaasahang matatapyasan ng P0.50 hanggang P0.60 ang presyo ng kada litro ng diesel.

Samantalang ang presyo naman ng kada litro ng gasolina ay mababawasan ng P0.40 hanggang P.50 habang maglalaro naman sa P1.10 at P1.20 ang rollback sa presyo ng kada litro ng kerosene o gaas.

Ang rollback sa presyo ng oil products ay bunsod ng pagbaba ng halaga ng mga ito sa world market.