7 sugatan sa karambola ng 4 na sasakyan sa Batasan-San Mateo Road sa QC

Pito ang sugatan makaraang araruhin ng isang truck ang iba pang mga sasakyan sa Batasan-San Mateo Road sa Quezon City.

Inararo ng truck na kargado ng mga beam ang isang jeep, isang taxi at isang closed van.

Binangga din ng truck ang isang poste ng ilaw sa lugar.

Dahil sa insidente, pito ang naitalang nasugatan kabilang ang isang babae na tumatawid lamang sa kalsada.

Ayon sa driver ng truck nawalan umano ng preno ang kaniyang sasakyan.