MRT 3 at LRT 2 may libreng sakay sa mga kababaihan ngayong araw

Bilang bahagi ng pagdiriwang International Women’s Day magbibigay ng libreng sakay sa mga kababaihan ngayong araw ng ang MRT-3 at ang LRT line 2.

Dalawang oras sa umaga at dalawang oras din sa hapon ang libreng sakay.

Mula alas 7:00 hanggang alas 9:00 ng umaga at alas 5:00 ng hapon hanggang alas 7:00 gabi ay libreng makakasakay ang mga babae sa MRT 3 at LRT 2.

Ang MRT-3 ay bumabagtas mula North Avenue hanggang Taft sa EDSA at pabalik.

Habang ang LRT 2 naman ay bumabagtas mula Santolan, Pasig hanggang Recto, Maynila at pabalik.