Sa datos ng PAGASA 32.6 degrees Celsius ang naitalang highest temperature sa PAGASA Science Garden sa Quezon City ala 1:00 ng hapon.
Ang San Jose, Occidental Mindoro naman ang may pinakamataas na temperatura kahapon na nakapagtala ng 36.6 degrees Celsius.
Ayon kay PAGASA weather specialist Shelly Ignacio dahil sa muling pag-iral ng Northeast Monsoon sa Extreme Northern Luzon ay hindi pa maideklara ang panahon ng tag-init.
Ngayong araw, ang amihan ay magdudulot ng maulap na papawirin na mayroong mahinang pag-ulan sa Batanes at Cagayan kabilang na ang Bauyan Group of Islands.
Sa Ilocos Provinces naman bahagyang maulap hanggang maulap na papawirin ang iiral na may mahinang pag-ulan dahil din sa northeast monsoon.