Pormal na deklarasyon ng panahon ng tag-init, matatagalan pa ayon sa PAGASA

Sa kabila ng init at alinsangang nararanasan na ngayon sa malaking bahagi ng bansa maaring matagal-tagal pa ang deklarasyon ng tag-init.

Ito ay makaraang bumalik ang pag-iral ng Amihan o Northeast Monsoon.

Ayon kay PAGASA Climate Monitoring chief Annaliza Solis, umiihip pa rin ang Amihan sa bansa, habang hindi pa nila namo-monitor ang easterly wind o mainit na hangin.

Hindi pa rin aniya naaabot ang criteria para magdeklara na ang PAGASA ng ng dry season o panahon ng tag-init.

Inaasahan nila na sa huling dalawang linggo pa ng Marso magkakaroon ng transisyon mula sa malamig na panahon patungo sa tag-init.

At posibleng sa buwan ng Abril makumpleto ang criteria na hinahanap ng PAGASA bago sila tuluyan magdeklara ng panahon ng tag-init.