Viewership ng Oscars bumaba ng 20%

Bumagsak nang 20% ang ratings ng pinakamalaking awards’ night sa Hollywood na Oscars.

Ayon sa Nielsen, mula sa 33 milyong nanood noong 2017, nakapagtala ng record-low na 26.5 million viewrs ang 90th Academy Awards.

Batay sa datos ng Nielsen, ito ang kauna-unahang pagkakataong nakakuha ng mas mababa sa 30 milyong manonood ang Oscars mula noong 1974.

Ang Academy Awards ang isa sa mga pinakapinapanood na television programs sa US, kasunod ng Super Bowl.

Sa Academy Awards ngayong taon, ang pelikualng “The Shape of Water” ang itinanghal na Best Picture bagaman kumita lamang ito ng $57.4 million sa United States.