Hinihinalang subleader ng Maute group naaresto sa Tondo

 

Naaresto ng mga miyembro ng Manila Police District ang isang hinihinalang sub-leader ng Maute terror group at kasamahan nito sa Tondo, Maynila.

Kinilala ang naarestong suspek na si Nazzer Lomondot alyas Mohammad Lomondot at kasamahan nito na si Rizasalam Lomondot, Sabado ng hapon.

Diumano, kasama si Lomondot sa grupo na sumalakay sa isang detachment ng Civilian Active Auxiliary sa Lanao Del Sur noong 2017.

Nang maaresto, nakuha sa pag-iingat ng dalawa ang granada at kalibre .45 pistola.