Residential area sa Gen. T. de Leon, Valenzuela City, nasunog

By: Jong Manlapaz, Kabie Aenlle - 7 years ago

Natupok ng apoy ang isang residential area sa Brgy. Gen. T. de Leon, Valenzuela City, Biyernes ng gabi.

Nagsimula ang sunog dakong alas-10:00 ng gabi sa Sitio Kabatuhan sa naturang barangay, kung saan tinatayang nasa 20 kabahayan ang natupok ng apoy.

Umabot pa sa ika-apat na alarma ang sunog dahil pawang gawa sa mga light materials ang mga tahanan kaya mabilis na kumalat ang apoy.

Tuluyan namang naapula ang sunog ganap na alas-2:22 ng madaling araw na ng Sabado.

Sa ngayon ay iniimbestigahan pa ng Bureau of Fire Protecton (BFP) kung ano ang naging sanhi ng sunog.