Ang suspek ay kinilalang si Chris Harper Mercer, 26 anyos base na rin sa pahayag ng kaniyang mga kaanak at kaibigan.
Batay sa pahayag ng ilan sa mga nakaligtas, isa-isang tinanong ni Mercer ang mga biktima kung ano ang kinabibilangan nilang relihiyon bago isinagawa ang pamamaril.
Ayon kay Kortney Moore, 18 anyos, dumadalo siya noon sa kaniyang writing class sa Snyder Hall nang lumusot ang bala ng baril sa bintana ng silid at tumama sa ulo ng kaniyang guro.
Inatasan umano sila ng gunman na dumapa, tapos ay isa-isang pinatayo ang mga biktima para ilahad ang kanilang relihiyon at saka sinimulan ang pamamaril.
Sampu ang nasawi sa nasabing insidente at pito ang nasugatan batay sa paglilinaw ni Douglas County Sheriff John Hanlin.
Kasunod ng panibagong kaso ng mass shooting ay muli namang binuhay ni US President Barack Omaba ang panawagang pag-amyenda sa gun law.