Marihatag, Surigao del Sur, niyanig ng magnitude 3.2 na lindol

Niyanig ng magnitude 3.2 na lindol ang bayan ng Marihatag sa Surigao del Sur.

Naganap ang lindol sa 40 kilometers South ng Marihatag, alas 3:20 ng madaling araw ng Lunes, February 26.

Ayon sa PHIVOLCS, may lalim lang na 29 kilometers ang lindol at tectonic ang origin.

Hindi naman ito inaasahang magdudulot ng pinsala at aftershocks.