LPA, binabantayan ng PAGASA sa Palawan

Isang Low Pressure Area (LPA) ang patuloy na binabantayan ng PAGASA sa Palawan.

Huling namataan ang LPA sa 265 kilometers Southwest ng Puerto Princesa City, Palawan.

Ayon kay PAGASA weather specialist Samuel Duran, maliit pa ang tsansa na maging bagyo ang LPA pero maghahatid na ito ng pag-ulan sa lalawigan ng Palawan at sa Zamboanga Peninsula.

Northeast monsoon naman ang umiiral sa Cagayan Valley, Cordillera Administrative Region at Ilocos Region.

Habang tail-end ng cold front naman sa Bicol Region, Eastern Visayas at lalawigan ng Quezon.