Ulat na may Pinay na comatose sa isang ospital sa Kuwait, inaalam na ng pamahalaan

Bineberipika pa ng mga otoridad ang pagkakakilanlan ng isang babaeng na-comatose sa isang ospital sa Kuwait.

Ipinost ng isang Pinay nurse sa Facebook ang video ng naturang babae na kinilala niyang si Norisa Manambit, 36 taong gulang mula sa Maguindanao.

Gayunman, sa isang panayam sinabi ni ng Overseas Workers Welfare Administration administrator Hans Leo Cacdac, na nakatanggap sila ng mga ulat na nasa isang deportation center sa Dammam, Saudi Arabia si Manambit.

Ayon kay Cacdac, patuloy nilang tinutukoy kung mayroong Pilipinong naospital sa Kuwait at aalamin ang pagkakakilanlan ng mga ito.

Batay sa lumabas na ulat, si Manambit ay unang iniulat na nawawala sa Saudi Arabia at kalaunan ay natagpuan ito sa ospital sa Kuwait.