Mga motorista inabisuhan sa isasagawang rehearsal sa EDSA People Power Monument sa Biyernes

Inabisuhan ng Metropolitan Manila Development Authority (MMDA) ang mga motorista hinggil sa isasagawang rehearsal sa harapan ng EDSA-People Power Monument sa Biyernes, February 23.

Ang nasabing aktibidad ay bilang paghahanda ng National Historical Commission of the Philippines (NHCP) sa paggunita ng ika-32 anibersaryo ng EDSA People Power.

Ayon sa abiso ng MMDA, isasagawa ang rehearsal ng military honor guards sa Biyernes alas 8:00 ng umaga.

Sinabi ng MMDA na maaring maapektuhan ang daloy ng traffic sa northbound lane ng EDSA.

Dahil dito, pinayuhan ang mga motorista na iwasan na lamang muna ang dumaan sa lugar sa nabanggit na petsa at oras.