Inabot ng mahigit limang oras bago tuluyang naapula ng mga kagawad ng pamatay-sunog ang apoy na sumiklab sa loob ng Everich Knitting Manufacturing Corp., sa Las Buenas Bldg., Industrial Ave., Potrero, Malabon.
Nagsimulang ang sunog pasado alas 5:00 ng hapon na mabilis na itinaas sa Task Force Alpha dahil sa nakaimbak na mga tela at sinulid sa bodega.
Dahil sa lakas ng apoy, nadamay rin ang katabing imprenta sa naturang compound.
Pasado alas 10:30 nang ideklarang fire out ang naturang sunog.
Nagpapatuloy ang imbestigasyon ng mga arson investigators ng Malabon Fire Department upang matukoy ang pinagmulan at maging ang halaga ng pinsala sa naturang sunog.