Mahigit 2,000 magkasintahan binigyan ng libreng kasal ng Pag-IBIG Fund

Muling nagdaos ng mass wedding ang Pag-IBIG Fund ngaong ngayong araw, February 14, Valentine’s Day.

Taun-taon itong ginagawa ng Pag-IBIG para sa mga couples na nais mabigyang basbas na at gawing legal na ang kanilang pagsasama.

Para sa taong ito, 2,002 couples ang naikasal ng libre sa mass wedding na idinaos sa labing anim na lokasyon sa buong bansa.

Kabilang dito ang 397 couples na ikinasal sa mass wedding ceremony na idinaos sa Philippine International Convention Center sa Pasay City.

Si Court of Appeals Associate Justice Remedios A. Salazar-Fernando ang nag-officiate ng kasal.

Ang libreng kasalang bayan ng Pag-IBIG ay nagsimula pa noong taong 2012.