Bagyong Basyang nasa bahagi na ng Puerto Princesa; signal number 1 nakataas na lamang sa lalawigan ng Palawan

Patuloy na nagpapaulan ang tropical depression Basyang sa Palawan, Bicol Region, at Eastern Visayas.

Sa 11AM weather bulletin ng PAGASA, ang bagyo ay huling namataan sa 200 kilometers Southeast ng Puerto Princesa City, Palawan.

Taglay pa rin nito ang lakas ng hanging aabot sa 45 kilometers bawat oras at pagbugsong aabot sa 60 kilometers bawat oras.

Bahagyang bumagal ang bagyo na kumikilos ng 23 kilometers bawat oras sa direksyong pa-Kanluran.

May posibilidad pa ring tumama ito sa kalupaan ng Southern Palawan mamayang gabi.

Sa ngayong tanging ang Palawan na lamang ang nakasailalim sa signal number 1, kasama ang Cuyo at Calamian group of islands.