Kalaboso ang inabot ng isang lalaki matapos mahuli sa aktong nagnanakaw ng imported na tsokolate sa isang mall para may maipang-regalo umano sa kanyang nobya ngayong Araw ng mga Puso o Valentine’s Day.
Malamig na rehas na ngayon ang hinihimas ng suspek na kinilalang si Mervin Dotullo, 20-anyos ng Golden City Subdivision, Salawag, Dasmarinas Cavite dahil sa krimen na kanyang nagawa.
Ayon sa imbestigasyon ng Pasay Police, nahuli ni Jorge Batung, guwardya ng Hypermarket ang suspek matapos itong maaktuhang sinisikwat ang tsokolate.
Aabot sa P684 ang kabuuang halaga ng ninakaw na ni Dotullo.
Desidido naman ang pamunuan ng mall sampahan ito ng ng kasong theft o pagnanakaw.
MOST READ
LATEST STORIES