Anti-fake news bill one-sided ayon sa Malacañang

Magbibitiw sa puwesto si Presidential Spokesman Harry Roque kapag naipasa sa kongreso ang panukalang batas ni Senador Grace Poe na amyendahan ang code of conduct ng ethical standards for public officials and employees na patawan ng kaukulang parusa ang mga government officials na nagpapakalat ng fake news.

Sa pulong balitaan sa Tabuk, Kalinga, sinabi ni Roque na sakali man aniyang makalusot ang panukala ay agad siyang dudulog sa Korte Suprema para i-challenge ang constitutionality nito

Iginiit ni roque na malinaw kasi na unconstitutional at pagkitil sa malayang pamamahayag ang naturang panukala.

Pumapalag din si Roque sa panukala dahil mistulang pinupuntirya lamang nito ang mga nasa kawani ng gobyerno.

Ayon sa kalihim, hindi lang ang mga nasa gobyerno ang dapat na puntiryahin ng panukala dahil pareho lamang naman aniya na nagpapakalat ng fake news ang mga lehitimong media organisasyon at iba pang indbidiwal.