Matapos mag-landfall, bagyong Basyang humina, isa na lamang tropical depression ayon sa PAGASA

Makaraang tumama sa kalupaan ng Cortes, Surigao del Sur humina ang bagyong Basyang at ngayon ay isa na lamang tropical depression.

Ayon sa PAGASA, ang bagyo ay huling namataan sa bisinidad ng Cantilan, Surigao del Sur, taglay ang lakas ng hanging aabot sa 55 kilometers bawat oras at pagbugsong aabot sa 75 kilometers bawat oras.

Kumikilos ang bagyo sa bilis na 25 kilometers bawat oras sa direksyong West Northwest.

Nakataas pa rin ang public storm warning signal number 1 sa mga sumusunod na lugar:

(LUZON)

• Palawan kabilang ang Calamian at Cuyo groups of islands

(VISAYAS)

• Aklan
• Capiz
• Antique
• Iloilo
• Guimaras
• Negros Occidental
• Negros Oriental
• Siquijor
• Bohol
• Cebu
• Biliran
• Leyte
• Southern Leyte
• southern section of Samar
• southern section of Eastern Samar

(MINDANAO)

• Dinagat Islands
• Surigao del Norte
• Surigao del Sur
• Agusan del Norte
• Agusan del Sur
• Camiguin
• Misamis Oriental
• northern section of Bukidnon
• Lanao del Norte
• northern section of Lanao del Sur
• Misamis Occidental
• northern section of Zamboanga del Norte

Wala naman nang lugar na nakasailalim sa storm warning signal number 2.