Bong Pineda imbitado sa pagdinig ng Senado sa operasyon ng STL

Posible umanong ipatawag ng Senado bilang resource person ang umano’y gambling lord na si Bong Pineda.

Ayon kay Senate Committee on Games and Amusement Chairman Senator Ping Lacson, may mga katanungan na mabibigyang linaw lamang mismo ni Pineda.

Iniimbestigahan ng joint Committee on Games and Amusement, Committee on Government Corporations at Committee on Ways and Means ang umanoy anomalyang nagaganap sa Philippine Charity Sweepstakes Office (PCSO).

Partikular na dito ang umano’y malaking halagang nawawala sa kita ng PCSO dahil sa kakulangan ng idinedeklarang kita ng mga operators ng Small Town Lottery o STL.

Si Pineda ang isa sa mga operator ng STL sa Central Luzon.