Saranggani, niyanig ng magkasunod na magnitude 3.5 na lindol

Dalawang magnitude 3.5 na lindol ang naitala sa Saranggani, Davao Occidental Lunes ng madaling araw.

Naganap ang unang pagyanig alas-12:44 ng hatinggabi sa layong 180 kilometro sa Silangan ng Sarangani. May lalim itong 14 kilometro.

Alas 3:57 naman ng madaling araw ng muling tumama ang magnitude 3.5 na lindo sa naturang lugar.

Naitala ang pagyanig sa layong 310 kilometro sa Silangan ng Sarangani.

Ang ikalawang pagyanig ay may lalim na 11 kilometro.

Parehong tectonic ang dahilan ng mga naturang lindol.

Wala namang napaulat na sira sa mga ari-arian at kasunod na mga aftershocks.