Biyahe ng MRT nagkaproblema, mahigit 800 na pasahero ang pinababa sa Santolan station

Nagkaproblema ang biyahe ng Metro Rail Transit – 3 (MRT-3) Biyernes ng hapon.

Alas 3:26 ng hapon nang pababain ang mga pasahero sa Santolan-Annapolis station southbound.

Ayon sa pamunuan ng MRT nagkaroon ng electrical failure ang tren.

Tinatayang nasa 850 na mga pasahero ang naapektuhan.

Agad namang napasakay sa kasunod na tren ang mga apektadong pasahero.