Residential/commercial area sa Sta. Cruz, Maynila, nasunog

By: Dona Dominguez-Cargullo - 6 years ago

Tinupok ng apoy ang ilang residential/commercial unit sa Recto Avenue, Sta. Cruz, Maynila.

Nagsimula ang sunog alas 5:05 ng umaga sa mga establisyimento sa tapat lamang ng Isetan Recto at malapit sa LRT.

Limang commercial unit ang nadamay sa sunog na kinabibilangan ng printing shop, vulcanizing shop at iba pa.

Umabot sa 3rd alarm ang sunog na naideklarang fire out 5:51 ng umaga.

Ayon kay Supt. Jonas Silvano, Manila District fire marshall, sa isang printing press nagsimula ang sunog.

Posibleng ang mga electrical connection sa kisame ng establisyimento ang pinagmulan ng apoy.