Isang apartment sa Valle Verde 6, nasunog

Tinupok ng apoy ang isang apartment building sa sa loob ng Valle Verde 6 na sakop ng Barangay Ugong, Pasig City.

Nagsimula ang sunog pasado alas 3:00 ng madaling araw na umabot ng ikatlong alarma.

Hindi pa batid kung ilang units sa gusali ang nadamay sa sunog.

Dahil sa isang exclusive village ang Valle Verde ay hindi nagpapapasok ng mga media sa loob nito.

Sa inisyal na impormasyon ay wala pa namang naitalang nasugatan at namatay dahil sa insidente.

Alas 5:51 ng umaga nang maideklarang fire out na ang sunog.