Utos ni CPP founder Joma Sison sa NPA na pumatay ng 1 sundalo kada araw, tatapatan ni Pangulong Duterte

Handa si Pangulong Rodrigo Duterte na tatapatan nito ang utos ni Communist Party of the Philippines – New People’s Army (CPP-NPA) founding chairman Jose Maria Sison sa mga rebelde na pumatay ng isang sundalo kada araw.

Sa kaniyang pahayag, sinabi ng pangulo na hindi siya patatakot o patitinag sa bantang ito ni Sison.

Banta pa ng pangulo, kung isang sundalo ang ipapapatay ni Sison kada araw, tatapatan niya ito ng limang rebelde na mapapatay ng mga sundalo kada araw.

Sinabi pa ni Pangulong Duterte na wala siyang pakialam kung babae o lalake man ang mapapatay na rebelde ng mga sundalo.