Aktibidad ng Bulkang Mayon muling dumalas simula kahapon hanggang ngayong umaga

Muling dumalas ang aktibidad ng Bulkang Mayon simula kahapon hanggang ngayong umaga ng Miyerkules, Feb. 7.

Ayon sa PHIVOLCS, mula alas 8:00 ng umaga ng Martes hanggang alas 8:00 umaga ng Miyerkules, umabot sa 78 na lava fountaining ang kanilang naitala.

May naitala ring 83 volcanic earthquakes.

May namonitor din ang PHIVOLCS na tuloy-tuloy na lava flow at degassing mula sa bumanganga ng Mayon.

Ayon sa PHIVOLCS, ang sulfur dioxide gas emission sa Mayon ay nananatiling mataas na umaabot sa 1,885 tonnes kada araw ang average.