Magkasintahan na nagbebenta ng party drugs arestado sa buy-bust sa QC

Arestado ang magkasintahan na nagbebenta umano ng ilegal na droga sa isinagawang buy-bust operation sa isang apartelle sa West Triangle, Quezon City.

Ang mga suspek na sina Russel Tan at Jazel Cabresos ay nadatnan ng mga otoridad habang nasa loob ng apartelle na Room 21 sa bahagi ng Examiner Street.

Nakuha mula sa dalawa ang 21 gramo ng cocaine na naka-pack na, 26 na ecstasy, 8 bote ng liquid ecstasy at iba pang drug paraphernalia.

Ayon sa mga otoridad, aabot sa mahigit P300,000 ang halaga ng mga nasabat na ilegal na droga sa dalawa.

Si Tan ay nadakip na noong taong 2015 gayunman pinayagan siya ng korte n amakapagpiyansa.