Isang lalaki, natagpuang patay sa Parañque

Duguan ang ulo at basag ang bungo ng natagpuang bangkay ng isang lalaki sa gilid ng center island sa Baclaran, Parañaque City pasado 2:00, Linggo ng madaling-araw.

Ayon kay SPO1 Rolly Iglesias mula sa Parañaque Police homicide division, kinilala ang biktima na si Ramil Antonio Legazpi batay sa mga nakuhang ID sa pitaka nito.

Ayon naman kay John Lloyd Mamaril, unang nakakita ng bangkay, nasaksihan ng isang parking boy na itinapon umano ng isang bus ang bangkay ng biktima sa naturang ligar.

Sa ngayon, hindi pa alam ang naging sanhi at motibo sa krimen.