SEC commissioner nagbitiw sa pwesto

Nagbitiw na sa puwesto si Securities and Exchange Commission (SEC) Commissioner Blas James Viterbo dahil sa isyung pangkalusugan.

Ayon kay Finance Sec. Carlos Dominguez, ipinadaan sa kanya ni Viterbo ang kanyang resignation letter para kay Pangulong Rodrigo Duterte noong nakaraang Fec. 1, 2018.

Nabatid na nakararanas ang opisyal ng irregular heartbeat at sumasailalim ngayon sa medical treatment.

Si Viterbo na isang tax lawyer ay inappoint ni dating Pangulong Benigno Aquino III sa pwesto nooong May 2014 at mayroong termino na tatagal sana hanggang May 2021.

Nanilbihan din si Viterbo bilang miyembro ng board ng Development Bank of the Philippines (DBP).