Van nahulog sa bangin sa Beguet, 3 patay, 6 sugatan

Patay ang tatlong katao habang sugatan ang anim na iba pa makaraang mahulog sa bangin ang isang pampasaherong van sa Benguet.

Kasama sa tatlong nasawi ay driver ng van.

Batay sa imbestigasyon, nag-overtake umano ang van na patungong Baguio City sa isang elf truck.

Nawalan ng kontrol ang sasakyan at dire-diretsong nahulog sa bangin sa bahagi ng Bontoc-Baguio Road.

Tinatayang aabot sa 300 metro ang lalim ng hinulugan ng sasakyan.

Pawang idineklarang dead on arrival sa ospital ang tatlong biktima.

Habang nasa pagamutan pa ang anim na sugatan.