Princess Eugenie of York, engaged na sa matagal na niyang kasintahan

By Kabie Aenlle January 23, 2018 - 02:15 AM

 

Maliban sa kasalang Meghan Markle at Prince Harry na nakatakda sa May 19, isa na namang Royal wedding ang aabangan ngayong taon.

Ito’y matapos ianunsyo ng Buckingham Palace na engaged nasi Princess Eugenie of York sa kasintahan niyang London nightclub manager na si Jack Brooksbank.

Unang inilabas ang anunsyo sa pamamagitan ng social media account ng Duke of York.

Ayon pa sa nasabing anunsyo, na-engage ang dalawa sa Nicaragua nitong buwan lamang ng Enero.

Magaganap ang nasabing kasalan sa Autumn ng 2018 sa St. George’s Chapel sa Windsor, pero wala pang eksaktong petsa na ibinibigay ang Buckingham Palace.

Sa nasabing chapel rin gaganapin ang kasal ng pinsan ni Princess Eugenie na si Prince Harry kay aktres na si Meghan Markle sa May 19.

Si Princess Eugenie ay ang nakababatang anak ni Prince Andrew na Duke of York, sa kaniyang dating misis na si Sarah Ferguson, Duchess of York.

Bago ang engagement, anim na taon nang magkasintahan ang prinsesa at si Brooksbank.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.