Kinuhang IT consultant ni CJ Sereno sumasahod ng mas malaki sa kanya
Nabunyag ngayon sa pagpapatuloy ng pagdinig ng House Justice Committee na mas mataas pa ang sahod ng kinuhang IT consultant ng tanggapan ni Chief Justice Ma. Lourdes Sereno sa mga mahistrado ng Korte Suprema at court administrator.
Kinumpirma ng mga opisyal ng SC na sumasahod ng P250,000 kada buwan ang IT consultant na si Helen Macasaet.
Mas mataas pa ito sa suweldo ni Sereno na P233,000 at sa iba pang associate justices ng SC at kay court administrator Midas Marquez.
Lumabas din sa pagdinig na si Macasaet ay natanggap nang hindi dumaan sa tamang proseso ng pag-hire ng empleyado sa Korte Suprema.
Nabatid na sa utos ng tanggapan ni CJ Sereno ay pinadaan sa alternative mode ng pagkuha ng empleyado si Macasaet dahil sa technical position ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.