2 sugatan sa landslide sa Catanduanes
Sugatan ang dalawang sakay ng isang truck sa landslide na naganap sa kasagsagan ng malakas na buhos ng ulan sa bayan ng Viga sa Catanduanes.
Ayon kay Senior Inspector Maria Luisa Calubaquib, tagapagsalita ng Bicol, gumuho ang lupa na may kasamang mga bato mula sa bundok at tinamaan ang dumaraang Elf truck sa Barangay Sagrada.
Sakay ng nasabing truck ang driver na si Gerald Tabor, 39 anyos at mga pahinante na sina Jesus Olat, 52 anyos at Alvin Oboso, 39 anyos.
Ani Calubaquib, natangay pa ang truck patungo sa ilog.
Nagawa namang makalangoy ng tatlo para sa kanilang kaligtasan pero nagtamo ng sugat sa kanilang katawan ang dalawang pahinante.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.