Muling pag-uusap ng NoKor at SoKor, welcome sa Pilipinas
Ikinalugod ng pamahalaan ng Pilipinas ang nakatakdang muling pag-uusap ng North Korea at South Korea upang muling pagandahin ang may lamat nitong relasyon.
Kasunod ito ng kumpirmasyon ni South Korean Unification Ministry Spokesman Baik Tae-hyun na tinanggap ng North Korea ang alok nilang pakikipag-negosasyon.
Ayon kay Foreign Affairs Secretary Alan Peter Cayetano, umaasa ang pamahalaan na ang desisyon ng dalawang bansa na muling makapag-usap ay hindi lamang magresulta sa ‘denuclearization’ ng Korean Peninsula kundi magbunga rin ng kapayapaan sa rehiyon at sa buong Asia-Pacific.
Iginiit ni Cayetano na sa simula pa lamang ay nais na ng bansa ang mapayapa at diplomatikong resolusyon sa mga isyu sa pagitan ng dalawang bansa.
Magaganap ang pag-uusap sa border village ng Panmunjom na nasa pagitan ng dalawang bansa sa January 9.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.