Masculador member, arestado sa droga sa Taguig
Arestado ang isang miyembro ng male sexy group na ‘Masculados’ at isang pang suspek sa Taguig City dahil sa iligal na droga.
Nakilala ang Masculado member na si Robin Robel, at isa pang lalaki na si Rodel Isaac na naaktuhang bumibili ng droga mula sa isang hindi pinangalanang lalaki.
Nakita ng mga pulis si Robel at Isaac na nakasakay sa isang kotse sa bahagi ng M. L. Quezon Road, Brgy. New Lower Bicutan, at dito sila tumanggap ng droga.
Nang suriin ng pulisya, nakita sa dalawang suspek ang dalawang sachet na naglalaman ng dalawang gramo ng hinihinalang shabu.
Umamin naman ang Masculado member na droga ang laman ng pakete.
Dahil dito, mahaharap ang dalawa sa kasong paglabag sa Republic Act 9165 o Comprehensive Dangerous Drugs Act of 2002. (Len)
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.