Astronaut na sumikat noong 1984, pumanaw na
Pumanaw na sa edad na 80 ang American astronaut na si Bruce McCandless.
Si McCandless ang unang astronaut na lumabas sa kanyang sinasakyang spaceship nang walang tali noong 1984.
Sa website ng NASA inanunsyo ang paglisan ni McCandless na mula pa sa Colorado.
Si McCandless ang pinakabatang miyembro ng 19-man astronaut group noong 1966 at miyembro ng Apollo 14 mission.
Siya rin ang backup pilot para sa unang Skylab mission, bago nang mission specialist sa dalawa pang space shuttle missions.
Anim na taon matapos ang kanyang makasaysayang pagpunta sa outer space noong 1984 ay tumulong si McCandless sa paglulunsad ng Hubble Space Telescope.
Hindi naman nakasaad sa anunsyo ng NASA ang dahilan ng pagkamatay ni McCandles.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.