Tricycle driver, pinagbabaril sa Maynila, patay
Patay ang isang tricycle driver matapos pagbabarilin ng riding-in-tandem sa Lope De Vega St. corner Felix Huertas St. Sta. Cruz Maynila mag-aalas onse kagabi.
Tama ng bala sa ulo at katawan ang ikinamatay ng biktima na nakilalang si Von Ace Cristo, 37 anyos.
Nagawa pang isugod ang biktima sa Jose Reyes Memorial Medical Center pero idineklara na itong dead on arrival.
Sa imbestigasyon ng Manila Police District-Homicide Section, nakatayo lang ang biktima sa kalsada nang lapitan ng hindi bababa sa dalawang suspek na sakay ng motorsiklo at ilang ulit na pinaputukan.
Ayon naman sa kapatid ng biktima na si Nicki Calzita, paakyat na ng jeep ang kanyang kapatid dahil dito ito natutulog nang mangyri ang krimen.
3 basyo ng bala ang nakuha sa crime scene.
Napag-alaman na dating gumagamit ng illegal na droga ang bitkima, pero iniimbestigahan pa ng mga otoridad kung may kinalaman ito sa motibo sa krimen.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.